من طرف thebrences_gehan الإثنين سبتمبر 14, 2009 5:19 am_تعرف ايه عن المنطق؟؟
_اللى اعرفه ان لما واحد يضرب واحد ,, يقع ع الارض مايحطش منطق,, مش هو ده المنطق ,,هاااه.
*************
طبعا كلنا عارفين التعريف المشهور للمنطق ده
بس هل كلنا تصرفاتنا منطقيه ؟؟؟
طيب هتكلم عن شويه تصرفات لينا كلنا ,,, بعيده تمام البعد عن المنطقيه
*ممكن تكدب حتى لو كان كدب ابيض او اصفر ,,, بس ماتحبش حد يكدب عليك؟؟
*تحب تصاحب او تحب سوسو او توتو او كوكو حتى ,,, بس ماتحبش اختك او بنتك تصاحب او تحب
هيثم او تامر او خالد ؟؟؟
*تنصح اللى حواليك "يا جماعة الا الام ,دى هى و هى وهى وهى ....الخ,,,,,, وتلاقيك بتعمل بلاوى فى
الست الوالدة؟؟؟
*او اما تتجوز وتخلف تفضل كل اما تشوف ابنك "انا عايزك تطلع ظابط او مهندس او دكتور",,,,
مع ان نفس الكلام اتقالك من باباك ومطلعتش حتى ربع اللى انت قلته لأبنك؟؟
*تصلى وتدعى ربنا على سجادة الصلاة ,,,,, ووانت ماشى فى الشارع لو عدت من جنبك مينى جيب
ان شالله على شماعة مكوجى ,, ممكن تعاكس المكوجى نفسه؟؟
*تقول لأختك او بنتك اوعى تروحى ولا تيجى ولا تلبسى كذا ولا تحطى كذا ,,,,, وبمجرد خروجك من باب
بيتكم تروح معاكس او واحده تقابلها حتى لو منقبة؟؟؟
*تقول لنفسك اللى بيتعب يلاقى "ومن جد وجد",,,,, اول اما تشوف حد من اللى خربشوا الكارت وبقوا مناصب مهمه
دول تقول "يارب الاقى ربع مليار حتى اكون بيهم نفسى"؟؟؟
*تقول الا الصديق "ده الصديق وقت الضيق",,,,, وانت اصلا مبدأك فى الحياه "عيش ندل تموت مستور"؟؟؟
وامثله كتير لعدم المنطقيه موجوده كتير قوى فى حياتنا ,,,, بس احنا بنمنطقها بمنطقنا احنا ,,, بسم الله ماشاء الله علينا
فلته,, والله فلته؟؟
