من طرف doody الإثنين يونيو 01, 2009 4:00 amالمكان:- فى خيمة
المنظر:- ليلى جالسة على الأرض وتنقى الأرز
(يدخل قيس)
المنظر:- ليلى جالسة على الأرض وتنقى الأرز
(يدخل قيس)
ليلى:-(لقيس) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- (لقيس) ما تتكلم عربى يا مان
قيس:- حلاوتك بالعجوه...أبوكى فين يابت؟
ليلى:- ف السايبر
قيس:- يعنى أحنا هنا لوحدنا؟
ليلى:- والشيطان صايع
قيس:- أنا لا أفكر فى هذه الأمور...
ليلى:- ليه ياروح أمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:- إهدئى يا ليلى( ويخرج من جيبه سيجارة كبيرة الحجم ويعطيها لليلي) ...إعمليلك سحابه دخان
ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- ( لليلى) رايحه فين؟
ليلى:- هجيبلك حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها السماء....(لقيس) إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى
ليلى:- (تدخل وفى يدها الحشيش) أبى ...ماالذى أتى بك مبكراً...إنت مش قولت هتقعد ساعتين؟
الأب؟- النت فصل...إيه اللى ف إيدك ده؟!!
ليلى:- دى حشيش هديها لقيس تموين الشهر
الأب:- (فى ذهول) ياللعار!!...من أين أتيتى بها أيتها الفاجره؟
ليلى:- ماتخافشي يابا دا من التموين بتاعى....الحشيش بتاعك لسه بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش)ويقول ليلى...أشكرك بضمير
الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج من الضمان
قيس:- وانت ترضهالى برضه يا أونكل؟
الأب:- خسئت...هات ياد تربة الحشيش اللى خدتها
قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى
الأب:- أغرب عن وجهى
واخيرا وليس اخرا احب اوضح للجميع ان الهدف من كتابة هذا الموضوع
هو تعليق بسيط على حياة الشباب فجميعا نرى ان الرومانسيه اصبحت غائبه ولو وجدت توجد على الورق ليس اكثر وانما وقت التعامل لا نجده
ا فاين قيس و ليلى روميو وجوليت؟؟
ها هما قيس وليلى 2007 بالفعل
و هذا الحوار الغرض منه صنع الابتسامه على وجهه الكثير من الناس
الذين يريدون ان يخرجوا من حالات الزهق والملل والجو والمشاكل التى تحيط بنا جميعا
وارجو ان ينال اعجابكوا
يارب يكون عجبكم