زغروته حلوه...............رنت فى بيتنا
عقبال عندكم كده لما اشوفك فى بيت العدل ياختى
انتى وهى وهى
واللى مش هترقص فيكم مش هايتجوز
أيوه متبصليش كده انتى وهى مش هتتجوز
ماهى بقت سلطه بقى
أم هند
ندخل في الموضوع
زماااااان مش زمان قوي كان عيب قوووي العروسه تقوم من
مكانها ......... وتقعد تتفرج والناس تتفرج عليها
وهاتك ياكلام……….. طبعاً انتوا عارفين ستاتنا ربنا
مايقطع لهم عاده
يارب
هي
مالها ياختي قعده كده ليه؟؟؟هي مغصوبه ولا ايه؟؟
شوفت البت غريبه والله .؟
ولو ابتسمت ايه ده هي مالها فاتحه بقها علي الفاضيه
والمليانه ليه؟؟؟ دا بقها ياختى جايب من الودن للودن
دى شبه ميمونة بتاعت الخضار اللى على اول الشارع
انا عارفه ياختى المتنيل على عينه ده عاجبه فيها ايه
ياعينى عليكى يابنتى زى القمر الرجاله اتعمت
(وبنتها اصلا حوله واحتمال تكون طارشه)
ومش عاجبهم الحال
المهم الايام ديه العروسه كتر خيرها بتقوم بالفرح من
اوله لاخره
عروسه خبررره بمعنى أصح
(مش انتى خبره ياحلوه ..أه خبره)
(أهىء أهىء أهىء)
العروسه ماشاء الله
رقص وغنا وجري وتنطيط ...............كأنها ماصدقت انها
اتجوزت
ساعات بيتهيألي انها شويه شويه هتقدم الاكل والحاجه
الساقعه كمان
انتم عارفين مش هو ده الموضوع الموضوع اللي عاوزاكم فيه
بقا
ايه رأيكم باللي بيحصل بقا في الافراح وبصراحه شديده
يعني معظم افراحنا اللى بنحضرهابيحصل فيها
كل شىء اللى تتخيلوه
بس اللي شدني بجد حال البنات المحجبين
اللي المفروض انها محجبه وبسم الله ماشاء الله
رقص وبالحجاب والله الواحد مش بيبقى مصدق نفسه من اللى
شايفه
تلاقى البت طالعه من دول نازله رقص وشغاله الله ينور
وتلاقى تلاتين او اربعين عيل فاتحين بقهم ومتنحين زى مايكون
جالهم تخلف عقلى متعرفش
والكلام شغال
(البت دى مزه .يالهوى ألعب ياجامد)
مش هو ده اللى بيحصل
تفتكروا العيب في ايه
فى البنت
ولا فى امها اللى خايفه عليها تعنس وتبقى قاعده متنحه
ومبسوطه بيها
ياختى عليكى
أنجغى ياحاجه عليكى وعلى المحروسه بنتك
: DD
فين الحياء بجد ان البنت ترقص بالمنظر ده قدام الشباب
وتقوم بالفرح
أزاى أصلا تقبلى على نفسك وعلى كرامتك انك ترقصى
بالمنظرده
ده احنا كشباب لما يكون فى فرح لحد زميلنا بنطلع نرقص
واحنا محروجين وبنقول بلاش قلة قيمه
أمال انتى بقه .؟
هل احنا فاكرين ان الاسلام يعني طرحه واعمل اللي انا
عاوزاه بعد كده؟؟؟؟
مش عارف
وطبعا مش كل الافراح بالصوره ديه
بس ده الاغلب
وايه الحل هل احنا محتاجين حد يفهمنا صح معني محجبه وانه
مش لبس طرحه وبس ؟؟؟
with
my best wishes